جمال الروح
ــــــــــــــــــــــــــــــــ
بقلم/ دينا عثمان
ــــــــــــــــــــــــــــــــ
الجمال مش بس زينة
يرسموها على الوشوش
الجمال في الروح و فينا
مش في حاجة للرتوش
***
ليه تعدل ليه تزور؟!
هو خلقه و هو صور
الجمال صنعه الإله
اوعى بعده تروح تدور
***
الابتسامة ع الشفاه
ياجمالها في الحياة
تشرح القلب الحزين
يرجع الكهل لصباه
***
و الشباب يزداد جمال
لما تبقى البهجة عادة
ليه يا ناس بتمكيوجوها
الجمال بقى في السعادة
الجمال بقى في السعادة.
بقلم ♥دينا عثمان♥