( كفايه غربه )
يااليل ايه اللي جرالك.معذب ليه احبابك
القمر في السما غاب وانت بتطول ساعاتك
نسهر معاااااك يااااااليل علشان تصبرنا
وحبيبي مسافر وبقاله يومين مابيطمنا
حتي طيفه غايب و في منامنا مازارنا
يا واحشني ارحمني وطمني عن أحوالك
راحت فين مراسيلك..وغاب عني سؤالك
ولآّ احنا إتنسينا وبقينا مش علي بالك
وطال عليا يآااحبيبي بعادك وفرآاااقك
وزاد هجرك ياواحشنا واشتقنا لاْحضانك
علي عيني ياضي عيني بعادك وغيابك
كواني الشوق وبكاني الحرمان والجفا
ويصبرني عليك شوقي والحنين والوفا
يوماتي اصبر واقول بكره الفرحه جيالي
واقول لقلبي معلش ياقلبي حبيبنا وغالي
وعلي دا الحال هو ده حال قلبي وحالي
عايشه بعيد عنك ومخوفاني الليالي
ومابين دموعي ونوحي عايشه حيرانه
وليلاتي وحدتي معذباني وروحي عطشانه
وأتألم من جروحي وخدودي بالدموع غرقانه
ومين يرحم نوحي ويسمع شكوتي وانا سهرآنه
وامته تجيني حبيبي وتحضني بشوق السنين
وكل دمعه سالت مني وشكت منها العين
تبات فرحه وود ووصال بين قلبين حبيبين
ياحبيبي مهما كان ومهما من كلام اتقال
ومهما كان بيني وبينك كل يوم مرسال
يعوضني عنك ياشاغل البال اي شيء محال
ومهما طيفك جانى وحضن طيفي
عمر الأشواق مايطفيها الخيال ياروحي
أد ايه ايامنا كانت حلوه وكل ليله ليها فرحتها
عدت حلم جميل و الغربه سرقت مني حلاوتها
وان كان الهجر لوعك والشوق ياحبيبي سهرك
بعدك عني عذابه اكتر ومراره مرار مايتقدر
وتعال شوف عيني ح يصعب عليك دمعها
مشتاقه لنظره من عنيك وطله لرمشها
الوحده صعبه حبيبي والغربه اصعب
يارب هون ايام الفراق وللحبايب قرب
والله يسامحك ع اللي سببتهولي وعملته فيا
غاب الحب عني امته ح تقدمولي يانور عنيا
كفايه غربه ومرار وسفر وبعاد صعب كتير عليا
خواطر ( اشرف الدغيدي )
حقوق الملكيه محفوظه