يلا يا هانم بص يا بيه
فتحنا المزاد ...👌
قلب للبيع...❤
مين يشتري قلبي مني
وفوق البيعة عمري معاه ...!!
حد اشترى ..؟
مين قال أنا .....؟!
طيب بلاش ...!!
إيه رأيكم ..
لو زيدنا في البيعة الألم
وسنين عذاب وسنين عدم
وعيون حزينه مرغرغه
بألف دمعة وآلف آاااه ...
مين اللي ناوي يشتري ..؟
عندي كمان لقا وفراق
وكتير فرح ويا اشتياق
وحلم ضاع ووش راهن ضحكته
وعمر اتسرق منه ساعاته و فرحته
ميييييييين قال أنا ..؟!
برضو مفيش ..؟
طب اسمعوا
ما عادش عندي يا بشر
غير عرض واحد هعرضه ..
وبعدها هقفل خلاص
باب المزاد ...!!
شايفين دموعي الي بقت
زي السحاب ...دي ببلاش
ومشاعر القلب الي داب
بردو ببلاش
طب أقولكم .... !!
كلي ببلاش
العمر اللي عدى بكل ما فيه
والباقي اللي جاي
مين فيكوا ناوي يشترية..؟!
حد أشترى ..؟!
مين قال أنا ..؟!
مفيش حد ناوي يشتري ؟
الكل تاه ... ؟
رجعت خلاص في البيعة يا ناس
نويت قلبي يفضل معايا وخلاص
دورت كتير على مين يشترية
ملقتش أحن مني عليه ...
راح أسكن قلبي وأعيش أداوية ..
ألا أووووونا ...ألا دويييي ...ألا تريه
قفلنا المزادِ ...
أحاسيس نسراوي
محمد النسر 🦅🇪🇬