مقسوم نصين. بقلم. / احمد شاهين
مقسوم نصين
بس انا عمرى
ما قالوا عنى
انى بوشين
ادامكوا سعيد
دايما بضحك
يحسدوا فيا
حتى الغالين
واما بروح
ببكى وانوح
واقول لمرايتى
حقيقتى انا فين
مقسوم نصين
النص الاول
قلبه يساع الدنيا
بشوق
والنص التانى
ليه دايما
تعبان مخنوق
ما هو اى طيور
دايما بتطير
برضو بجناحين
مقسوم نصين
الحلم اللى انا
مره حلمته
وحبيبى معايا
وقابلته
ورسمنا البيت
هانعيش وياريت
واهو فجأه صحيت
ولا كملته
احلامنا يا ناس
مش مضمونه
نمسكها ازاى
ليه دايما بحلم
وانا خايف من
بكره الجاى
ليه دايما بضحك
وانا قلبى
من جوا حزين
مقسوم نصين
كلمات. / احمد شاهين