_____________{الصرخة الأولي }
اااااااااااااااااااااااااااااااااااااااااااااااااااااااا
(هموم اصحاب المعاشات )
ااااااااااااااااااااااااااااااااااااااااااااااااااااااا
إلي كل مسئول في بلدي
قضية وشكوي لبلدي
نفسي تكوني عزوتي وسندي
لاحانسلم ولانرفع الراية
قالوا : الفرج جاي
قلنا : السنة بيضة
لكن كلهم كدبوا علينا
الكدب ياناس موضة
لافيه مسئول تخش له أوضه
لاكلمة حلوة ولاإجابة مردوده
إحنا جيوبنا بقت بيضة
وقلوبنا أصلها بيضة
نروح نشتري كل منقوضة
لوجبنا تبقي أعجوبة
الآسعار نار ولهلوبة
و معاشاتنا منهوبة
لا قادر أجهز بنتي
ولاأبني لابني ولوأوضة
معاشاتنا منهوبة
ناس تنهب وتهبش
ويقولوا دا مشروعة
إسكندرية بحيرة
غربية شرقية
منوفية منصورة
كنت باحلم ببلدي منصورة
وفيه عدالة في الصورة
سبعة وتلاتين سنة مذكورة
وأنا واقف وسبورة
أعلي فيك يامصر
وأبيض لك الصورة
وأزرع حبك ياكبيرة
مصر بلدكم آسطورة
راحت صحتي والعين
ماشافت الصورة
لانوم ولاراحة
النفس مكسورة
النوم خايف من الصورة
راح الإنعاش ومش ببلاش
لاحدشاف ولاظهرله صورة
حرام تظلموا ناس علي المعاش
وناس عايشة في مقصورة
وراح الإنعاش ولسه ماجاش
وكان حلمه عيشة مستورة
الرب عادل وحسابكم جاي
ودفاعكم أيه في الظلم ليه؟؟
ملايين لكل لاعبي الكورة
لكن لعبتم بنا الكورة
سبتونا في الحيرة
لاحل ولافكرة معقولة
واسودت الصورة
وباتت النفس مكسورة
دخلت بنته مقهورة
مالك ياابوي
هاتي القلة ياسنيورة
كان نفسي أشوفك
قبل الموت مستورة !!
راح الإنعاش ولسه ماجاش
وفي الإنعاش آخر كلام
والكلمة بالعافية مسموعة
لوبلدي محتاجة معاشي
أنا ناوي أسيبو لها
كفايا علينا الإبل
وعلاجنا ياناس بولها
أعمل ايه فيه حاجة أطولها !!!!
وفي الإنعاش قال:
لكن حرامي البلد
له مني كل شكر ومودة
طلع جدع وولد عترة
أصله من الحتة
ونظره ستة علي ستة
مرعلي بيتي في السكة
كتب عليه مسكين
ضاع عمره والمعاش ملاليم
راجل شريف وعفيف
لاباع ضميره ولافتح جيبه
ولامد في يوم ياناس إيده
مريض والكل هوسابه
نايم وصاحي علي همه
والفكر داير في ابنه وبنته
خايف يمد إيده لخاله ولعمه
مااتعلمواولاشافوا يوم غلبه
وفي الإنعاش إن عاش
ما في حاجة بقي تهمه
وفي الإنعاش يفتكر
كلام أمه مايحوجك
راح الكلام منه
وماراحت منه صورة أمه
ماهي مصر ياناس أمه
شالها لكن ماشالت همه
ياناس كفايا ياناس ظلمه
كان له رسالة حملها بإمانة
نشكره ونسعي لتكريمه
مش في السن دا نهينه
وفي الإنعاش قليل إن عاش
كان نفسه يصرفه كاش
ياناس إن عاش
ودية صورة من المعاش
وأنا أتكلم كلام علي لسانهم
اصلي الفجر وادعي لهم
ربنا يعينهم علي آولادهم
وان جا الفرج تبقي
علي الجميع سنة بيضة
وتفضل راية مصر مرفوعة.
اااااااااااااااااااااااااااااااااااااااااااااااااا