وياسلام لم تكون غرقان فى بحر دموعك وتلاقى ايد تمسح دمعتك بلمسة حنان جاية من هناااااااااااك .وتحن عليك
ياسلام لما تكون جوه كهف وحدتك وتسمع ضحكة حلوة ودانك متوحشاها من زماااااان ليها كتير ماسمعتش صوت ضحكة حلوة صافية .لاوايه وبتلاعبك كانها لعبة الغميضة وتقول لك قفشتك اهو..ههههههههه ضحكة كلها مرح وشقاوة
وانت مش مصدق كل ده رغم انك فيه عايشه ولامسه بس مش مصدقه برضه لخوفك انك تطلع فى كابوووووووووس
مخيف .بيضحك عليك
ليه مابقناش نصدق حتى فرحة قلوبنا ..
ليه مش قادرين نفرح ..ليه مش قادرين نضحك .طيب ليه احنا عايشين ..كل دى اسئلة سالتها حيرتى وشكى فى الفرحة
من كتر الهم والغم والخوف من دلوقت قبل بكرة
ليه بقينا نخاف نحب ..ونخاف نفرح ..ونخاف نعيش ليه ليه
كفاية علينا ويلا بينا نعيش الفرحة حتى وان كانت ذكرى
وان كان على الدمع عمره ماهايخلص الا اذا اتعلمنا نحب
اه نحب الحب للحب ..مش للجسد.ولا الشهوة او الرغبة المجنونة .ونهايه طريقها ظلمة وكرهه .
خلى الايد ممدودة بالسلام .والقلب ينبض حب .والعين تشوف فرحة .والسما تملاها العصافير بغناها .
وقلوب تصفى وتتصافى .ونعيش اللحظة ونسيب بكرة
لعلم العالم ...اسمعوا كده ....سامعين ايه؟ قولوا سامعين ايه
ويارب تسمعوا قلبى وقلوبكم بتقول يارب
باالابتسامة .تكسب حسنة فى نفس مكسورة
بالضحكة تكسب قلب انجرح ونبضه حزين
بالنظرة الفرحانة تسعد عين جفت منها الدموع
وصدقونى عمر الفرحة اطول كتير من عمر الحزن
عمر الحب اطول كتير من الكرهه
والكلمة الطيبة صدقة لكل انسان
وانا بقول لكم كلكم .
بحبكم ....
..بقلم
وحيد حافظ