فاكرة يا امى زمان ...
لما كنت بغلط ..
كنت باستخبى فيك ..
ولما كنت باحزان ..
كنت بجرى عليك ..
ولما كنت بفرح ..
كنت بحضن عينيك ..
فاكرة يا امى زمان ..
لما كنت ليا حصن امان ..
كنت ليا سور مدينه ..
زى القلعه وباب زويله ..
زى حراملك السلطان ..
كنت بدلع عليك ..
ياما جيت كتير عليك
كنت فاكر انك ياحبيبتى
موجودة ليا على طول
وانى لما اكبر هشيلك
يا امى فى العيون
وانى هصونك لما الشيب يكون
لكن خسرتى يا امى
انا خسرتك تانى يوم
واتهدت حصونى وقلعتى
وغرقت جفونى بدمعتى
ونسيت سعادتى وفرحتى
وكل لحظه فى وحديتى
اقولك فاكرة يا امى
صالح منصور