بقلمى /فوقية خضر
احترنا وتوهنا ........بجد ياناااس
مااحناش عارفين رجلين من راس
حديرد علينا باخلاص ولا هنسكت
===========ونقول لامساااس
لامساس .........بانتخاباتنا الحرة
والحزب الوطنى ....مالوش ضرة
فى حاجات تحصل وبتوجعناااا
وكلام يتقاااال ومالوش معنى
ولا حد يهمه ويستعنى ويقول
======الشعب دة محتاج ايه
نرجع تااانى ونقول لامسااااس
لامساس بالفول ...ولا اللحمة
والعيش ابو مسامير والزحمة
والقوطة... المجنونة الغااالية
والسكر ......قالوا فى الجمعية
والوطنى يقول انتخبووووونا
والله يانااااس جننتونااااا
ميت الف قراار..غلو المترو
غلو البنزين........غلو الاسعااار
عيشة بقت نااار والصبر مرااار
ووزير قاعد......ووزير اهو غااار
ناخب...وانا عمرى ماجيت جاره
ولا حبيت..... انه يكون جااارى
يصرف فى فلوس ...جاب كام
متعوووس....خد كااام ملطوش
يهتف ويقول ...انتخبوا فلااان
وهيعمل ايه....مواطن غلبااان
والاخر........... يقعد مترررربع
يضحك..... ويبين فى سنااانه
وفى المجلس طلعلى لسااااانه
حيرتونا......والله ياناااااس