علينا كلنا
مبقناش عارفين مين معانا
ومين علي مين
بقت ساقيه وبينا دايره
ومبقناش عارفين عايشين
ولا مش عايشين
بجد صعبت علينا نفسنا
اهونها عل الناس
وانا من جوايا محتاجه الناس
صعبت علي حجر قاسي
اتاري الحجر كمان بيواسي
سألت نفسي طلعت بايه
من دنيتي
ردت علياروحي قالتلي
ربك اداكي كتير من ستره
كتير من جبره الصحه عال
وطول مابتهوني عل الغلبان
تملي هتكوني عال العال
بسمه طالعه والله بتعافر
من ايد حفيد اوحفيده
جايه تسعد وتساند
انا الصابره اللي دموع
عيني سبقاني
وبرضه بتعرف تدادي و تداري
انا اللي بتعرف تكون كالسخر
وقت المطر يدوب الحجر
انا اللي شايله هموم بالكوم
انا الجدعه اللي بتناطح
وقت ضعفي انا الصامده
اللي كلي ايمان ببكره
يجي شايل لينا
فرحه تتفرق عل الغلبان
ونقول كمان كان ياما كان
زمانا خلاص بقي غير زمان
نقول للزمان ارجع يازمان
والساقيه هتفضل دايره
بينا وهنفضل برضه بنعافر
كلماتي ..ناديه ابراهيم ...انا الصامده اللي بتعافر...