أه لو قلبك كان يعشقنى
كنت هخطى ع ألأحلام
ولا شئ يلحقنى
كانت الضلمه هتصبح نور
كنت هعدى أى بحور
كنت هسيب قلبي لهواك
يخدنى فى بحوره يغرقنى.
أه لو جنبك كنت أرتاح
وأفرد في سماكى
ألف جناح
وأعيش كل أيامى حواليك
وعينيكى تحبنى تعشقنى.
مديت إيدى وقلبى مسلم
عاشق وعيونى بتتكلم
إمتى عيونك تتعلم
تعيش لهوايا وتصدقنى.
أه وإلأه ساكنه ضلوعى
حسى بحبى وقيدى شموعى
عايزك ليا شراعى وقلوعى
أه م الشوق ناره بتحرقنى..
بقلمى..
عبدالستار جلال..