موجوع بحر الدموع ناداني
خلاني
حد معلق اماله بموجه تاخد احزاني
الحلم وداني
لجزيره من غير شطوط ولا مواني
جزيرة الاماني
اوجاع الروح كانت قلوعي
مجدافي خانني لما عملته من ضلوعي
اللي خبيتك فيها سنين
لملمتك احتويتك بالنبض وبالعين
أخدتي العمر وبنار جرحك كاوياني
ايامي غزلتهالك شوق باقي
رسمت ملامحك بامل التلاقي
وصلتك لحد هواكي كان اختناقي
أه نسيت اقسي وده اخفاقي
قولت زهرة برئيه ارويها من حناني
رويتك سقيتك كبرتك وطرحتي
بس طرح هواكي كان نكران
بحنين قابلته وبنزف عشقي فرحتي
ذنبي بالهوي لقيته اخلاصي
عشان كنتي بيوم كل ناسي
ما اتخيلتش انك نبت شيطاني
وسوستي لقلبك بالغدر والخيانه
كان أدم وطاع باع الامانه
حرمتيه جنه عاش كتير يتمناها
زينتي السراب بكدبتك
اللي روحك دابت وياها
مش لواحدي قلبي اتوجع
قلبك كمان فيكي اتخدع
ونبضه كمان ندمان