قصيدة شوية وجع
بقلمي محمود عبدالمنعم
شوية وجع متلصامين بحبال ضلوعي
وحيطه عجوزه مبتنطقش خايف جوعي
انا شمسك اللي اغتصبوها
وخلونى مش بنت بنوت
وانا نيلك اللي سامع وشاهد
وشايف كل واحد بيموت
لاجل متعيشي انتي ولا
تنزل دموعك ودموعي
طب لي مش بترودي عليا ولا
عاوزه تسألي عليا ف غيبتي
هو انا مش شارب من حضنك
ومهما قسيتي بقول حبيبتي
لي سايبه حامي البلد بيقتل
فيكي وبتخضعي نفس خضوعي
ودي اخر رساله راح اكتبها
لحد مافهم حاجه منك
!واذا كان عالدمعه راح اكتمها
ولا هابعد لحظه انك
ارجوكي ياشربة مية تروي العطشان
انا نفسي ادوق تانى حنان
ولا ابات الليل وعالخد دموعي
