حلقة جديدة/ يوميات حشرية
خناقة ام زغلول
صباح الخير....عليكم ياكل اصدقائى ويوم جديد.....من يوميات...مواطن..قمت النهاردة..
بعيد عنكوا على صوت زعيق وخناف.......
وحاجات بتتكسر ...ف ايه ياولاد...مالكوا...
فى ايه يابت ياامل ...ياما خالتشى ام زغلول
بتتخانق..مع عم سماعين....ليه يابت ...؟انا..
عارفة ياما انا سامعة صوتهم ..والواد زغلول
واخواته بيعيطوا دى النيلة هو الراجل المفترى دة مش هيجبها البر...كل يوم والتانى مبهدل
مراته وعياله...ياوليه احنا مالنا ...ماتلمى ...
نفسك..انتى مش هتسكتى غير لما اصورلك
قتيل ...احنا لا لينا ف الخناق ولا غيره......
ياراجل مالك بقيت براوى كدة ليه ...دة ...
الجيران لبعضيها....اجرى يابت ياامل ..هاتيلى
العباية ....وافتحى الباب دخلى الواد زغلول ..
واخواته...من ع السلم هى صحيح وليه ناقصة
وانا مااحبش اتحشر ف اللى ماليش فيه...بس
معلش ...اخش الاقى الولية ام زغلول ياقلبى
عليها الراجل اللى ينضرب جايبها من شعرها
وماسح بيها بلاط الشقة ....اجرى ياواد.... ياحماصة اندهلى ابوك ....دخل ابو امل اسم
النبى حارسة وصاينه...اهدى يابو زغلول ....
وصلى ع النبى ...ايه بس اللى حصل ........
الوليه مابتبطلش طلبات ...اقولها مفيش فلوس
صوتها يعلى.. وضربة الدم تلحقها....والنبى ...
احضرنا يابو امل ياخويا ...ينفغ يعنى مضيع
فلوسه ع الحشيش...والمخدرات .......
بقوله العيال اولى بالفلوس دى ......يقولى ليه
ياوليه غاوية تقلى مزاجى هو انا باخد من
جيب اهلك.... طب انا هطلقك وغورى ف داهية وريحينى ماعرفتش اسكت بقااااا...لاء
يابو زغلول انت ياخويا ماتاخذنيش سوااق
وماشى ع طريق...وماينفغش كدة دة لو قبلك
كمين هتروح ف داهية ....تروح فين الغلبانة
بالعيال....بقولك ايه ياام امل ...ياتقولى كلمة
طيبة يا لامؤاخذة ماتدخليش...شوف الراجل ..
الواطى ولا مراته الولية الباردة ماتردش عليه
ولاتقول كتر خيرها.... تقولش لو اطلقت الدنيا هتتهد ......والنبى الطلاق احسن من عيشتك السودا...... بلا نيلةيلا يابو امل الهى يولعوا
ف بعض...انا ياخويا اللى غلطانة...كنا قاعدين
ف بيتنا باحترامنا....عارف يابوامل ياحبببى ..
انت ياخويا رغم انك مليان عيوب ...وكتير
بتحدف كلام ذى الدبش...وساعات مابتفهمش
وكتير بتستعبط لما بقولك ع فلوس....بس
الحمد لله انت احسن من غيرك ...ياوليه ياللى
ماعندكيش ريحة التمييز انتى خليتى فيه ...
حاجة عدلة ...ومش مكفيكى منكدة ع اللى جابونى...داخلة تنحشرى بين الراجل ومراته
يعنى اعمل فيكى ايه ...اقتلك يعنى واريح
الناس من شرك ...وكلمة منه ع تلات اربع ...
كلمات منى ....الدنيا ولعت وانقلبت الخناقة
بينى وبينه ...قلت لاء دى عين وصابتنا....
دة احنا كنا ذى السمنة ع العسل ..هو صحيح
عسل اسود....بس يلا والنبى هو صحيح ارحم
من غيره....اقوم اجيب البخور وابخر الشقة..
والنبى ياخويا ماتزعل نفسك انت عندك ضغط
وسكر ....كفاية عليك كدة لتجيلك جلطة ...
تجيب اجلك ...حقك عليه ياخوياااااااا خلينا
ف حالنا...ودة كان يوم من يوميات مواطن...
ماشية بمبدا من تدخل ف مالا يعنيه..سمع
مالا يرضيه...ودع الخلق للخالق....وميعادنا
بكرة مع يوم جديد من يوميات مواطن ....
وصباحكوا بردوا كالعادة سكر زيااااااادة.....
............وزياااااااااااادة.........
