*****أعلنت الحرب عليك*****
أعلنت الحرب عليك**
وسلاحى بين إيديك **
وقبلت أنا أتحداك **
وأشوف أخرتها معاك**
مهما كانت قوتك عمرك ما تغلبنى*
ومهما كانت حيلك عمرك ما تكسبنى*
لأنى غضبى منك خلى *
قوتى أكبر مما عندك *
واللى قاسيته فى ويلك *
خلى عندى الحيل أعصى من حيلك*
واللى إنت نويته *
وعنى منعته وخبيته*
حتفكرنى بيه الأيام *
وتخلينى أصحى قبل ماأنام
لأقيدلك من الشمس النار
وأفتيلك من العذاب حبال
وأعملك من الجليد ألوان
وأزرعلك من الشوك بستان
وأنقش فى ايديك بدل الحنة مسمار
وألف حواليك عناقيد الحنظل والصبار
أعلنت الحرب عليك
وسلاحى بين ‘يديك
شعر وتأليف/أ/فاطمة أحمد المراغى