( اول مشهد )
افتح ستاير المسرح
واعرض لنا القصه
علمنا فن القول
واشرح لنا أصوله
بس المهم يكون
خالص لوجه الله
ويكون له كمان معني
مش فيلم يوجعنا
ورينا اول مشهد
من عيشه عايشينها
لحد كان مظلوم
واللقطه شايفنها
وسع شويه الكدر
ووضح الالوان
يمكن تعبنا يبان
في القصه ومضمونها
نزل ستاير سوده
علي قصه مش كامله
للشاب والشابه
ولحظة فراق صعبه
عاشوها بالعافيه
السهره كانت غم
والحفله كانت شوم
كان النهار معلوم
من اول الحفله
فرقه ومرار وهم
زي كل حكاوينا
نزل ياعم ستايرك
واقفل لنا المسرح
م احنا خلاص كالعاده
ملناش ف يوم نفرح
ابو رامى الاسواني
٢/١١/٢٠٢٠