حالك ليه سواد ومافيكي غير الهموم
حيره والم وفقر نصيب الشعب كل يوم
احزان وضياع والشقي ودنيا كلها غيوم
ليه علي اولادك يابلدي ءاسيهوالزمن بقي مشؤم
ليه شعبك دايما عايش فيكي يابلدي مظلوم
من ابسط حقوقه يابلدي جعلتيه محروم
اتفرض عليه انه يعيش بالحديد والنار محكوم
اصبح يابلدي من الفقر والجوع ليل ونهار بقي بيصوم
والروح منه تايهه في ملك لوحدها وتوهان بقي غير مفهوم
عايش وسط ناس الغدر في طبعهم ومن طغاينهم بقي مصدوم
نهاره بيبكي وليله بيشكي ويحكي احزانه للقمر ويا النجوم
بيقولو عليه انه عايش لكن الحقيقه انه في تعداد الاموات مرحوم
ميت في صورة حي ماهو في الاصل عايش في بلده مجبور مهزوم
لا شغل لا مال ولا امان وكمان ان اشتكي بيبات مضروب مشتوم
بقي هو ده حالك يابلدي فاضل فيكي ايه بعد كل هذا العذاب غير شجرة الزقوم
عودي يابلدي وارحمي اولادك بقي بيموتو من الجوع وشعبك مقسوم
طبقه غنيه لا حاسه ببكاء صغير ولا فاهمه ان الاب بيموت الف مره في اليوم
ليه طبقه عايشه وطبقه الروح منها بلغت الحلقوم
والي متي هنادي عليكي واقولك يابلدي ارجعي لكلام الحي القيوم
بكائي كل يوم بيزيد والنار في قلبي بتقيد علي حالي وحال شعب بالنار محكوم
احزان الفارس الحزين