يا نافشه ريشك
ولابسه عنجهيه ملوكي
ولا حد بيحوشك
اذاكي في ايه تيني الشوكي
عارف انه شغلك وانك مسوله
وكمان مستعجله عالدرجه الاولي
بس الرحمه قانون
واسألي اللي ربوكي
ونعم ربنا ابدا ماتتهان
ولا يدوس عليها الاجبان
وياريت قلبك شاف قبل العين
لزاده اللي متعلق يادوب رغيفين
ده مفيش قانون يرضي بكده
واللي فرضوه ظلمونا وظلموكي
اتخيلي لو دار الزمان
وجه اخوكي لنفس المكان
واتغدر بكبرياءه عالملأ
وشاف رزقه بيضيع من مخلوق
زيه من طين اتخلق
كنتي اتوجعتي
علي ابن امك وابوكي
ولا اش جابهم لبتاع التين الشوكي
يا مسولين يا خلق ياهوووه
ياريت طريق اللين تسلكوه
احمد ربك علي منصبك
الف غيرك عاطل يتمني جلستك
دعوه الشقيان مالها حجاب
اتقي بالرحمه من ربك الجواب
وبلاش البرج العاجي
كله هيتوه وقت الحساب
ياريت تنزلو للناس
وتخلعوا اللبس الملوكي
وماتاخدوش ع التين
انه شوكي