نقول كلمة ونتجاهل
وتوعد وإنت مش عامل
حساب للحب ولا تبادل
مشاعر دابلة وبنحاول
نفوق م التوهة م نجامل
عشان م خلاص مانيش قادر
وتستاهل .......
حيرة القلب
ومش فاكر
خلاص م بقاش لنا معابر
توصلني ... لقلبك الغادر
كفاية قلبي معاك حاير
مافيش تلاميح ولا بشاير
مانيش صابر .....
ليالي العمر مش واقفة وبتعدي
ويوم ورا يوم ولا ثابتة ولا تهدي
دايماً واخدة ... وما بتدي
ولا تحنن ولا ترضي
مافيش مرة تصون ودي
سيبوها تجرب الأحزان
هموم بتحط على همي
وإنت يا دنيا ما تلمي
جراحي وبرضو بتسمي
في بدني وحتى ما تضمي
وخاصاني ما بتعمي
كإن مافيش غيري فيكي
يخونك أجمل الأيام
ح الم همومي ويوم ح ارحل
وعن حقي ما يوم ح اغفل
ولا ح اعتب ولا ح اسأل
وح اسهر ليلي مش ح ازعل
على إللي ضاع من الأيام
ما يكفيني .... شبعت كلام
.... م تيجي نجرب الأحلام !!
*•••••*•••••*•••••*•••••*
المهندسين فى 22/6/2020
مش ساهل مقطوعة غنائية
تأليفي : هشام إبراهيم علي
الشهير : هشام علي
*••* *••* *••* *••* *••* *••*