=====
صباحك نادى ومعطر
وقلبك توب حرير أخضر
يفوت ع الدنيا يسعدها
يدوقنى الهنا سكر
ياساكنه الروح أنا مجروح
وترياقك دوا عنبر
على جناح الزمن شايفك
أميره فى الحسان واكتر
يشق الليل ضنا روحى
ونورك فى الجبين يسهر
يشقشق فجر أحلامى
بطيفك وردى ومزهر
وتشرق شمس أيامى
واطير واخدك على البندر
ونتمشى على الكورنيش
تاخدنا النسمة تتغندر
ونبنى عشنا أحلام
قصور من نور على مرمر
========
بقلمى سامح توكل ابوالسبح