( راجع تاني)
شمس السما غابت
والدنيا بيا ضاقت
والورود في الجنينة
دبلت
والشموع يوم ميلادي
انطفت
يوم ما قلتلي لازم نفترق
رضيت بالفراق وقلبي بيتحرق
ومرت سنين و سنين
مات فيها الشوق
مات فيها الحنين
واتولد فيها النسيان
وكبر مع الايام
وابتسمتي الحزينة
رجعت تاني ضحكة عالية
تملي المكان
النهارده راجع تاني
عايزنا نرجع زي زمان
راجع تاني ليه ؟
انا زي م انا
انت ايه اللي غيرك ايه؟
خلاص انتهي بينا الكلام
انسي
من غير م تسال ليه
راجع تاني
ومعاك الهدايا
وابتسامة صفرا
بتقول منايا
يعود الماضي
وانت معايا
لا يا حبيبي لا
خلاص انتهي بينا الكلام
سيب الماضي يرحل مع الايام
انا زي م انا
وانت غيرك ايه؟
انسي
من غير م تسال ليه
راجع تاني
بعد م جربت غيري !
وعرفت الفرق بين الحب
وبين التسالي
لا والف لا يا غالي
انا مش زي غيري
روح دورلك علي قلب تاني
الفرصة في الحب
مرة واحدة
المرة الثانية
عمرها ما تكون صادقة
انا حبيتك بكل كياني
وانت طلبت الفراق
بطريقة خايبة
و النهارده راجع تاني
لا يا غالي
روح دورلك علي قلب تاني
الدنيا مليانة قلوب للتسالي
احمد شكري