ــــــــــــــــــــــــ
إوعى قعادك يبقـى عوالـة
ياللا ياراجـل قوم و اتشمر
أهـو تتسلى بلاهــا بطـالـة
اعمل محشي كمان ومعمر
***
قال: و الله دي فكـرة جديـدة
أكتـفـي بيهـــا شــر حمـاتـي
واملا فراغي بحاجـة مفيـدة
وأثـبـت إني ساعدت مراتي
***
كان الفرن مولع نـار
حط الطاجن م الفخار
جواه رز عليه ألبـان
فجـأة لقـاه اتنيـل فـار
***
حــاول إنــه ينضــف حالــه
قبــل ما تيجــي تقطـــم فيــه
و اللا الداهيـة الكبرى عياله:
"عاوزين ناكل، ذنبنا إيه"؟!
***
كــانــت أول مـــــرة يجـــرب
بعدهــا أصــبح واد حريــــف
وانت ياصاحبي كمـان اتدرب
يمكــن تطــلـع أمهـر شـــيف.
ــــــــــــــــــــــــــــــــــــــــــــ
من أشعار مجدي شلبي