وعن ملامح الوطن
قصة كفاح بطلها شعب؟
ولا خيال تحقيقه صعب؟
الوطن مش مساحة أرض
علي خريطة بتترسم
أو هتاف بنردده
وإحنا بنحي العلم
أو دفاتر حكم
فيها المواطن مجرد رقم
الوطن.. هو العدالة
هو الكرامة.. هو السكن
هو دا معني الوطن
هي دي ملامح وطن
الوطن.. مش هو بس
العاصمة.. ورد الربيع
شمسه بتبدر خير
علي كل الربوع
الوطن.. مش ملك حاكم
الوطن.. ملك الجميع
هو قصيدة عشق
هو الحياة.. هو الكفن
هو دا معني الوطن
هي دي ملامح وطن
ربنا بينصر وطن
حقق العدل ف حدوده
ربنا بيحمي وطن
وحدته سر وجوده
كل خيره لكل ناسه
كل أولاده جنوده
الوطن. كل القري
كل النجوع.. كل المدن
هو دا معني الوطن
هي دي ملامح وطن
بقلمي /عارف نبيه