رغم أنها بالفعل رشيدة وعمرها زايد عن عشرين
لكن ملامحها وضحكتها تشبه طفلة بضفيرتين
فيها شقاوة تحلى الدنيا فيها غلاوة تسر العين
زى فراشة تشوف مشيتها تحس انها طايرة بجناحين
شوفتها زى الحلم اتاريها واقع جانى ف يوم على غفلة
والله ماكان يخطر على بالى انى اتجنن واعشق طفلة
وبعشق طفلة
كل بنات الجيل غارو منها ..كل جمال الدنيا يزينها
لما الحسن يكون عنوانها لو لبست فستانها الاحمر
مين في الدنيا يا ناس فى جمالها بسكوتة بشيكولاتة و سكر
اللي ينول ودها ووصالها عمره على غيابها ماراح يقدر
زى الحلم الوردى تبدل ليل الوحدة مسك وعنبر
موهوبة فى الحب وتغزل برموشها السود ليلة وحفلة
بتصالح مع روحى وذاتها لو شوفت الدنيا بنظرتها بعيون طفلة
وبعشق طفلة
لكن مرة ف يوم شقاوتها الزايدة نادتنى لسحر هواها .فتحت الباب
قولت الدنيا بشوق رسمت لى امانى جميلة قلبي ف حبها طب وداب
ولما غرقت ف بحر هواها ضحت بالقلب إللى فاداها وكان قدرى انى اعيش فى عذاب
كنت بقول الحب دا جنة واتارينا عشقنا إللى خذلنا و إللى وعدنا بجنة قربه فاتنا وغاب
والأحلام الحلوة نسيتها والايام الصعبة قاسيتها والاحزان لو كترت تبق لعينة وسافلة
فجاة لقيت الحال اتبدل فرح العمر بسرعة اتحول قصة جرح وحيرة كبيرة فى غرام طفلة
وبعشق طفلة
جلجل صوتى و قال للعالم انى يا عالم عايز اكمل عمرى معاها
رغم أنها باعت وما ساعت أحضانها القلب إللى اتعذب يوم فى هواها
هجرها زاد وفراقها بلاد لا بتجمع شمل إللى عشقها و اتمناها
سحرتني عينيها وطلتها ولا بتغيب عن بالى سيرتها
مش قادر افارق ضحكتها ولا عن حبها بعمل قفلة
مسكين إللى غرامه يذله يسهر ليله يخاصم ضله علشان طفلة
ذاد تعذيبي اخدت نصيبي فى سحر هواها وجع وبعاد
قولت هتيجى فى يوم و تقولى ان غرامى فى قلبها زاد
اتاريها بتحب تعذب واللى عشقها يتوه فى مداها بحور وبلاد
ولا يوصل فى هواها لاخر ولا يبلغ بغرامه معاها فرح وميعاد
باندب حظى واقول اه يانى كان ايه عالمر إللى رمانى
بعد ما كنت رشيد خلانى اعشق واحدة بكيان طفلة
وبعشق طفلة
سالت الناس ازاى اتعامل مع طفولتها قبل مايجى يوم واتجنن
قالو الطفلة مهما هويتها لو تطلب ودها راح يبق جوابها يحنن
خليك زى المدرسة كانت تهرب منها وبالاوجاع تحكى وتتلون
ولما هتكبر هتحن بلهفة لطفولتها مدرسة الحب إللى راعيتها
وهتبكى على اللحظة الحلوة إللى معاك عدت وفاتتها
وهتعرف انها من بعدك هجرت احلى ايام براءتها
وهتتمنى بلهفة تشوفك
يومها حنينها هيحضن خوفك
وتداوى الاوجاع بكفوفك
والدنيا هتصبغ افراحك لون الطفلة
وبعشق طفلة
بقلمى...نبيل عبد الرحمن