""""""
حبيتك قمر طالع
نوره يونس السهران
حبيتك ورد طارح
عبيره مرسي للحيران
حبيتك ياود سارح
يسرى فى كل كيان
حبك غير الملامح
خلانى ع الهوى سلطان
حبك فى الدم صحى
النبض فى الشريان
كأنه حضن أم
جنته بين الآحضان
خلى كل الهم يرحل
طعمه قتل الأحزان
خلى سمعى آصم
قدام صوت الشيطان
ملا قلبي بالايمان
م الحب آمر فى القرأن
حبك للقلب بلسم
طعمه يسعد الوجدان
حبك بسمة فجر
جايه وشايله النور
شايله وياها فرحه
لقلب عاش مقهور
سعاده طردت الندم
كان له فى الماضى جذور
وحبك أصبح حلم
له فى الحقيقه بيان
شايف قلبك بيضم
قلبي لدفا وحنان
أصبحتى لقلبي وطن
لاحساسي فيه عنوان
حبك خلانى أشوف
حوريه قبل الآوان
وكفايه انى بحبك
حسيت بمعنى الانسان
،""""""
وحيد احمد