شعر / سعاد سعد
على دقات الدمع المسكوبة
ودقايق العمر المسلوبة
رحالة
عملتنى الدنيا الفانية
ألعوبة
النفس الخارج داخل
باعجوبة
الموت اهو جانا
فيه شئ جوانا هدى ومات
قال يعنى كان يوم حي
مش فاكرة
لأ وغريبة عشمانة ف الجاى
دا شريط العمر
طير بيمر
مهاجر عدى وفات
طايرة معاه الروح والذكرى
الدمعه اهى مغلوبه
والجته ومصلوبه
الحب مجرد فكرة
والعمرغيامة وهتفوت
نجمة ف تابوت
تتمرجح على شجر الدوم والتوت
إيدى عاجزة ماهش طايلاها
طب فيه ايه تانى
الروح محبوسة وبتعانى
ف زنزانة الجسد الفانى
العمر متحنط من قبل
وحدانى وبيعانى مستنى الدفنه
ما شافشى إكرام ف الدنيا
يلا مش بيقولوا إكرام الميت دفنه
يلا سلام رحالة
دا الموت احلى حقيقة وحالة