عريسك جاي ومعاه المهر.
من نيل اسوان ل.مصب النهر.
بيقولك قومي ياعروسه.
مايكفنيش مليون بوسه.
ده انا الشهيد.جاي من بعيد.
من وجه بحري.لاخر الصعيد.
يحضن ترابك.افتحي ابوابك.
وبوسيني فوق الجبين.
حررت ارضك ع الضفتين.
ولا عمر يوم ظلمك هيدوم.
ولا حد يقدر يكسر لك عين.
ياام الضفاير حلوه طويله.
دي الفرحه جوانا جميله.
فرحتنا واحده.لمتنا واحده..
مسلم مسيحي.كلنا ايد واحده.
ده انا يوم زفافي يامصر بنصرك.
مايكفنيش ولا ميت ليله.
دمي فداكي يامصر.
سماري من طمي نيلك.
والعطشان منك يرتوي.
في القراان ربي دعيلك.
وبروحي راح ادافع عنك.
وعدوك هيعيشها ذليل.
من رملك ياحبيبتي ياسينا.
راح الون صحراكي نخيل.
انا قلبي بينبض باسمك.
ويغني نهار مع ليل.
والعاشق فيكي يتغزل.
الليل في سماكي جميل.
ده انا مهما اقول واعيد.
تاريخنا ياحبيبتي طويل.
لو كتبوا فيكي القصايد والشعر والروايات.
لساكي فيكي جديد مليانه بالحكايات.
مشتاق لنيلك للسلسبيل.
لغناوي شعبك حر واصيل.
ع الضفه دي والضفه دي.
لخضار عنيكي بلون النخيل.
حبيبتي يامصر..
بقلمي هبه الدمنهوري.