مستحيل يوم أخونك ..........
بحس بغربه في حضنك
وما برتحش في حنينك
ايه اللي جري في زمنك
وغير كمان رنينك
اول مره أحس إنك
بتبعديني عن بساتينك
الغرور طاير من حسنك
وسور بيني وبينك
بيبعدني دايما عنك
وبتشغلني تاني عيونك
ولما أحاول أقرب منك
القا الألوان في جفونك
والورود تقع من غصنك
والقاني عايش سجينك
قوليلي ايه في ظنك
وضحيلي شك ظنونك
مستحيل يكون ده حضنك
اللي فيه إحساس سنينك
أرجوكي بوحي بحزنك
ومتعيشيش لوحدك انينك
انتي عهدي وانا وعدك
انا دمي في شرايينك
مستحيل اسيبك لوحدك
او في يوم يبكي طينك
انا إتولد علي ارضك
وإتربيت علي دينك
علمتيني نقاء فرضك
واسمي على جبينك
انتي مني وانا منك
ومستحيل يوم أخونك
.......................................................
..................... حسن الشوان ................
