قرار نهائي وبدون تردد
واعتراف مني ومتسجل
اسمي رباعي وبصمة صباعي
متسجلين علي مايكروفيلم
اشهد واقر
انا المواطن ودا وطني
وتاريخي منقوش علي هرمي
ونيلي في عروقي كما الدم
وارضي عرضي بترعاها
أجراس كنايس ومآ ذن
اشهد واقر
شهدائنا ضحوا عشان سينا
تفضل لينا
وجيشنا كله فدائين
وبنت مصر السيناويه
والفلاحه والصعديه
بيقدموا لمصر هديه
اجدع شبان
اشهد واقر
مهما الظروف تقسي علينا
والدخل مش بيقضينا
نرجع نبص حوالينا
ونقول يارب صبرنا
بكره حايفرجها علينا
اشهد واقر
وحانستمر. &.
مصراوي الوطني ابو الأمجاد.
#حسين_متولي ٢٠١٩