قلبي نازل
احمد صبري
-
عرفتي ليه نايم زعلان
وصوتي رافض يطلع
م الظلم وم الحرمان
مابقاش الصبر ينفع
و قولت نازل ع الميدان
قميصي قديم ومتقطع
مش فارقة معايا كمان
اْرجع ولا مش هاْرجع
-
قلبي نازل من ضلوعي
يطلب الحق اللي ضاع
شربوني من دموعي
جوعوني من الخداع
بالزبالة سدوا جوعي
لبسوني الخوف قناع
يجي دول ويخونوني
ابوكوا يا ولاد البتاع
-
دا انا غلبان وضعيف
وعمري كله ف حالي
ممكن انام ع الرصيف
وانتوا ف قصر عالي
انا مش لاقي الرغيف
وانتوا سرقتوا مالي
نازل علشان نضيف
وهاخد معايا عيالي
-
إسجنني يابن عمي
إقتلنني يابن خالتي
لو شايل نص همي
كان قلبك حس حالتي
انا شالوا مني دعمي
كرهت اسمي وحكايتي
انا مصوا كل دمي
وجيبت خلاص نهايتي
احمد صبري
-
عرفتي ليه نايم زعلان
وصوتي رافض يطلع
م الظلم وم الحرمان
مابقاش الصبر ينفع
و قولت نازل ع الميدان
قميصي قديم ومتقطع
مش فارقة معايا كمان
اْرجع ولا مش هاْرجع
-
قلبي نازل من ضلوعي
يطلب الحق اللي ضاع
شربوني من دموعي
جوعوني من الخداع
بالزبالة سدوا جوعي
لبسوني الخوف قناع
يجي دول ويخونوني
ابوكوا يا ولاد البتاع
-
دا انا غلبان وضعيف
وعمري كله ف حالي
ممكن انام ع الرصيف
وانتوا ف قصر عالي
انا مش لاقي الرغيف
وانتوا سرقتوا مالي
نازل علشان نضيف
وهاخد معايا عيالي
-
إسجنني يابن عمي
إقتلنني يابن خالتي
لو شايل نص همي
كان قلبك حس حالتي
انا شالوا مني دعمي
كرهت اسمي وحكايتي
انا مصوا كل دمي
وجيبت خلاص نهايتي
