بنت قلبي
نفسي اكتبلك قصيده
بس الحروف عنك بعيده
خايفه توصفك تلمسك
عبير الورود بيتنفسك
الرقه والحنان مادين الايدين
لاجل تتحسسك
يابنت قلبي البكر والوحيده
عاوز اخبيكي بين الجفون
وابقي الوحيد له حق الطعم واللون
قالواعنك حوريه ورده جوريه
قلت لا زيها ماشفتش العيون
اصل ملامحك عالخلق جديده
اتمني اصرخ بعلو الصوت
عاشقك انا حد الموت
وخايف بحبي اخسرك
تلاقي مشاعري ضعيفه ماتقدرك
ياراسيه جوايا يانبته جذورها عتيده
ضفرتني ضفاير شعرك
خليتني بحنين لمشاعرك
مشتاق لبذور هواكي
بستان عشق وجواه انا زرعك
ضميني وبلاش تكوني عنيده
ما انا نفسي اكتبلك قصيده
بس الحروف عنك بعيده
كلمات/محمد احمد مندور
