قصيده بعنوان
(قصتى)
وحكايتى.
أكيد إنك
تعرفيها.
درستيها دخلتى
أعماق أعماقها
ومن بين سطورها
قرأتيها.
حكاياتى
وقصتى.
ولد أنكتب عليه
من صغر سنه
إنه يعشق الوجع
ويعيش حياته
فى دنيا
ملعونه كل
إل فيها
فتح عينيه.
يوم ما أنولد
لقى فقره
معبى حجره
سمع زغرودة
الألم وكأنه
مش راضى
بيها.
مع إنه كل
إل حواليه
فرحوا بقدومه
وهو دمعه
فى عينيه
معرفش
يومها يداريها.
إيجه دنيته.
لقى لوحه
مكتوب عليها
عنوان غربته
منين مايروح
هايلاقيها.
قصتى دى
ما بتنحكيش
حبة ألم مع
حبة شقا
مع حبة قهر
وشوية تعب
وبرد الشتا
فى لهيب
الصيف لاتنباع
ولا تشتريها.
قصتى مدفونه
جواي قبرها
روحى وجسدى
وفى قلبى
جرح بيعنيها.
قصتى.
إسألى نفسك
سؤال وشوفى
هتلاقى الجواب
أهو إنتى لمسه
بإيديك وأحيانا
كنتى تداويها.
مين فى يوم
حس بالألم
معايا أومسح
دمعه فى
مآقيها.
قصتى.
وحكايتى.
صعبة إنك
تحبيها أو مره
فى يوم
تعشقيها أوتكسرى
بابها وتفتحيها.
محبوسه فى
سجن سورها
عالي إستحاله
إنك تتسلقيها.
أو على الناس
تسرديها.
ودى قصتى
وحكايتى ومطلوب
إنك تعرفيها.
19/7/2019
ترنيمات وخواطر...... بقلم......)
خيرى حسنى...........................)
