ياقلبي كفاية نواح
...............................
ياقلبي كفاية نواح
بطني أشتكت منك
يوماتي كدا نواح
وواخد على خاطرك .
ياقلبي بطني أتملت
دموع كتير منك
كفاية بكا ونوح
وارجع تاني لوضعك
خلي الحياة تصير
سمعني تاني نبضك
دنيا وفيها الكتير
ايه بس فيها عجبك
كلها جروح وآنين
بس أنت ال ناسي نفسك
أرجع معايا لسنين
بعدها على راحتك
تبكي تنوح على طول
على كيفك وخد وقتك
زمان كان الضمير
مكتوب في كرستك
أتحفظ زي النشيد
وشاع كدا ف ارضك
الخلق فرحت بيه
وكبرت ربك ......
نزل عليهم الخير
ملا ربوع ارضك ..
لا تسمع حد أنين
ولاتسمع مين ذمك
قلوبهم كانت رحيمة
ديما تصون عهدك
لا حد قلبه حديد
ولاحد باع سرك
الكل عنده ضمير
وخاشع كدا لربك
لافيه شيطان رجيم
عامل كدا صحبك
ليعرف المكنون
وبعدها يلاعبك ....
الدنيا أتغيرت كتير
والعيب خارج زمنك
كفاية ياقلب نواح
كفاية راجع نفسك
بقلمى / جمال حلمى /^/
( .......... عامية ....... )
