طال انتظارها
طال انتظارها ف جب وحوش
عدوا العدة عتاد وجيوش
نهبوا اراضي قتلوا نفوس
طبقوا فيها قوانين قراقوش
قدس ياناس قبلتنا الاولي
عرض . عقيدة . ما تتهونوش
فين عزتنا فين كرامتنا
متكلين علي مين حيحوش
أرض القدس اكيد ح تعود
لابد يكون للظلم حدود
يا لا نحط ايدك ف اديا
نعمل لينا كيان ووجود
أرض القدس اكيد حتعود
مش بالكلمة اقول افديكي
وانا بسلوكي بفرط فيكي
كلمة حق ماارضاش اقولها
علشان أكسب رضا اعاديكي
او اتعاون وأعمل صفقة
مع مستعمر خد اراضيكي
تبقي ازاي القدس تعود
واحنا بنبني علي بوابة
النصر سدود
أرض القدس اكيد حتعود
ياللي وطنا العربي ولاده بالملايين
ليه سايبين الاقصي يان في ايد ملاعيين
يمكن ..خايفببن
طب ح نجيب الجبن منين
واحنا احفاد أبطال حطين
يبقي عليهم مش قادرين
مش معقول اسألوا سينا علينا تقول
نوع ممتاز م الفداءين
طيب قول تنصحنا بايه
عليكوا بالدين ياموحدين
ان تنصروا الله ينصركم يامؤمنين
بالإيمان نحمي وطننا من الطغيان
بالإيمان نور الحق يظهر ويبان
بالإيمان تبقي القدس اكيد ح تعود
ونعمل لينا كيان ووجود
أرض القدس اكيد حتعود
