القدس مش محتاجه منكم
يا عرب حبة كلام
والاقصى مش هترجعه
حبة صور كدا والسلام
كل غناويكم كلام
وكل افعالكم كلام
حتى صوركم باهته
وطالعه من تحت الركام
قولوا يالا الكلمتين
وغنّوا يالا الغنوتين
ابكوا ونزلوا دمعتين
وهما بس يادوب يومين
هننسى وهنرجع ننام
اما العدو اخد قراره
وفتحله سكه فالزحام
ومشى وعدىّ فوق جثثكم
وانتو تايهين فالخصام
والاختلاف قطّع مابينكم
كل انواع الالتحام
القدس محتاجه لرجال
اتحادهم قوة بتشق الغمام
القدس هتعود باتحادنا
وجمعنا
وحبنا
وخوفنا وايمانّا بربنا
وبحربنا علشان شرفنا وعرضنا
مش بحتة صورة باهته
ولّا بشوية كلام
صلاح المغربي
