موقع مليون شاعر وشاعره مصرى وعربى

............................. فين راحت العروبه ؟ .........
فين راحت العروبه ؟
جسد بلا روح ونفس
عايشه في غيبوبه
ما بتسمعش ولا بتحس
بقت كلمه مكتوبه
معانيها تاهت في القش
كانت زمان محسوبه
لما كانت النخوه تتحس
ليها كيان وهيبه
تملا عين الشمس
فين راحت العروبه
لما السم فيها إندس
بقت كمان كركوبة
هيكل عظمي هش
فين راحت العروبه
عينيها دبلت والرمش
دموعها مرة وكئيبه
لما إنتحر دود المش
في القاموس مشطوبه
وعليها علامه إكس
كمان مش مرغوبه
ولا ينتحلها أي شخص
فين راحت العروبه
لما إتمرضت بالغش
بقت حياتها منكوبه
وليها مليون وش
............ً.......ً..ً.........................ً.....
........... الشاعر حسن الشوان ...........