..... #إنت_ماتتنسيش#......
************
كلمات/علاء أحمد عبدالنبي
**************
هي عملية وقت
والوقت مابيعديش...
كان نفسي أنساك دلوقت
بس إنت ماتتنسيش...
عملت إية فى دنيتي
خلتني سالبي...
قلبي إللى مفروض
بين ضلوعي
معتش قلبي.....
وعقلي إللي بياخد
قرار بالبعد عنك...
هو نفس العقل إللي
بيقربني منك....
طب قولي إزاي كدة
فى بعادك هعيش...
هي عملية وقت
والوقت مابيعديش
كان نفسي أنساك دلوقت
بس إنت ماتتنسيش....
حتى عنيا إللى قولت
هتداري الحنين...
مش عايزة تشوف لحظة
وإحنا متفرقين...
أول ما بتشوفك بتنسى
كل الدموع...
وأقولها نبعد
تقولي لاء..رجوع...
طب لسة فيا إية
علشان ماجيش.....
هي عملية وقت
والوقت مابيعديش....
كان نفسي أنساك دلوقت
بس إنت ماتتنسيش.....