ورده وقلب
اختصرت حبي في ورده وقلب
لما لقيت عبيرك كسا الغرب والقرب
وشوفت في مشيتك
الخوف والحنيه عالتراب
ولما اتردد العزف بين الشفايف
فتح في روحي الف باب
من يومها النبض حالف
برقتك يا اول واخر حب
يا بدر فرش علي عمري الضي
حوريه سكنتي ومالها في عيني زي
جوايا بيعلي النبض وترقص الدقات
ولو مر علي سمعي اسمك من سكات
والاقيني ورا خيالك ماشي في كل درب
حارس لعودك لو عدت عليه النسمه
حابب وجودك بادعي تكوني القسمه
بارسمك صورة ويحلي معاها الحديت
لقيتني فارس يا اميرة كل الحواديت
يا نعمه وهبها لينا الرب
وكان العهد له نحمد ونصون
ونحرم بايدينا البكا علي احلي عيون
لو كل لحظه هاكتب فيك الف بيت غزل
تعجز حروفي يزيد خوفي في وصف نور اتغزل
كنتي الاعجاز اللي اتذكر بكل الكتب
اتهموني في عشقك بالجنون
وكان وسام لو هافضل بيكي مجنون
استحاله يحبك عاقل
ومايخونه فكره وقت ماتزوره ضحكه
بين وبينه عقله تصنع الف حائل
صدقيني شوفتك احلي واجمل كل صعب
ااه من التفاتت عين تخطف اوام
ولا السحر لما اتجسد باجمل قوام
ولا قت الدلع
لما ينزل الحب منك حبات
يتوه الجدع
يالف الف قصيده من سكات
ويجف لسانه وشوقه لسه رطب
يغور الهوي لو مش ليكي
تخفي الحنيه لو بعيد عن ايديكي
يا نبته وكل بحور الغرام ماترويكي
يانور وكل نور ضلمه لو غمضت عني عنيكي
اه شاريكي
ولو ملكت الكون احزن
لو في هواكي رسب القلب
اختصرت حبي في ورده وقلب