صورة
صورة فيها كل وجعنا
لما النفس تهون نصرخ
ما حد يسمعنا
قومي يا اختي واصلبي العود
ما انتي ضحية مجني عليكي
وكلنا شهود
الذنب ليكي مش اتهام
وازاي نطعن في ملاك
مرسوم الحنان بطلته الف معني
حطوكي في اصعب اختبار
ومن غير كتاب ومنهج
ومالكيش اختيار
لبسوكي مسؤليه
وفي وسط صحرا سابوكي
وبالعشم والسلبيه
منتظرين خزاين ابوكي
تتفتح عشانا وتمسح الم منه دمعنا
خلوكي واخواتك في امتحان
ومنعوا القلم والكراس كمان
والمفروض تكوني البريمو تطلعي الاولي
ونسوا انك زي المريض منهم مسؤله
صدقيني ماعليكي ملام
مهما كل يوم ودعنا
اه اتنسلت جوانا الروح من المشهد
واللي راحو منظرهم قطع كل جسد
بس وجعنا اكتر انكسارك
اتجني عليكي انتي كل جارك
وحسبي ربي وكفي
في اللي خلي شبابكم انطفي
وكسانا اهات وانين
وكان واقف يتفرج ولا سامعنا