" سمك 🐳 - لبن 🍼 - تمر هندى 🍺 "
" لوجه الله"
ف جُعْبة السُّلْطَان
كنوز وجاه وعبيد
وناس تبوس الإيد
خيرات بلا عدد
مدد يا شيخنا مدد
حسنه لوجه الله
ف جُعْبة السُّلْطَان
شعرا وكلام معسول
واللى يطاطى ينول
حالا نصيب الأسد
مدد يا شيخنا مدد
نظره لوجه الله
ف جُعْبة السُّلْطَان
سرايا ويا قصور
تشوفها من ورا سور
متعَدِهوش للأبد
مدد يا شيخنا مدد
مأوى لوجة الله
ف جُعْبة السُّلْطَان
طبيب يداوى آلام
يشفى من الأسقام
لا آهات ولا كَمَدِّ
مدد يا شيخنا مدد
دوا لوجه الله
سلطانى هوه "الله"
وف جعبته ياما
ولا راح أمد الأيد
من تانى للمامه
والحق لما يريد
حالا بييجى المدد
مدد يا "واحد" مدد
(خالد فاروق)