..... {رحيل ضمير}....
سؤال واحد لكنه حزين
وهي اجابته فيها مصير
سايبنا لمين ورايح فين
وانت للنفوس بتدير
معانا في كل وقت وحين
يا ساكن نبضنا يا ضمير
رحيل ضمير
كبرنا وكنت وسطينا
وصوت همسك فحكاوينا
نقول اسمك يداوينا
وحتى حروفه في عينينا
و لو توهنا تلاقينا
تفكرنا بطريق الخير
رحيل ضمير
كتبنا في القلوب اسمك
طبعنا على الجبين رسمك
فرحنا عن طريق بسمك
عبيرنا كان بفوح نسمك
وصوتنا كان صدا همسك
ويوصل قبلنا للغير
رحيل ضمير
وجودك جنبنا دا أساس
بيروى الصدق والاحساس
ويطرح خير لكل الناس
جدودنا ورثوك فى ميراث
فضلنا بيك وليك حراس
وكنت لينا اعز سفير
رحيل ضمير
صحيح قلت مرودينك
وبعدت ناس معاهدينك
وظهرت ناس و بيتدينك
وناس بتسد وفى دينك
وناس اتعاهدوا على دينك
ولسه بدرنا ومنير
رحيل ضمير
ولانك انت شئ منا
بلاش ترحل و استني
واوعى عنا تتخلي
وانت لسه راسمالنا
هترحل يبقى ياويلنا
نقولها يا رحمن يا رحيم
رحيل ضمير
كلمات
محمد السيد سالم