تفتكري..24
تفتكري تكوني ام مثاليه وعايشه الغرام والمتع الجنسيه
وف طريق الحرام شارده ومش حاسه بأي مسؤوليه
وكل يوم مع شاب كل شويه وع الفيس عامله مراسله
ومش عامله حساب للاخره ومخالفه اوامر اللي خلقها ووقت الجد تعمل ضحيه
تطلع وتدخل بمزاجها ومش عامله اعتبار لجوزها اللي بيسعى عشان يسعدها
وبيحافظ ع كرامتها لكن حاسه دايما بجمالها والشيطان أصبح مصاحبها
وكل يوم مشاكل بسبها ومش بتراعي شعور ولادها ولا اللي ربوها وتعبوا عشانها
طب ازاي هاتكوني من اهل الجنه ومخالفه اوامر اللي خلقها
وعايشه ف مولد وغفله وعشان الفلوس بتبيع شرفها وبدوس ع العشره وماحدش راضي يحاسبها
كل يوم كارثه ولو شخص نصحها تعمل مش فاكره ولا بتخضع وماشيه ف طريقها
وحاسه دايما بؤنثتها ومافيش ف الدنيا غيرها ولما تحس بالعجز والموت ف انتظارها
تفضل تبكي وعايز تكفر عن سيئاتها عشان تستولي كمان ع الجنه بعد ما بعت بيتها وشرفها
واستغنت عن جوزها وشوهة بايدها سمعتها ولما كبرت الكل صرف نظر عنها حتى أولادها
وعايشه لوحدها في عزله والمرض والفقر محاصرها بعد ما كانت ست بيت وجوزها مريحها
لكن تعمل ايه ف الغريزه والشهوه اللي شاغله كل كيانها
يارب أهديها واسعدها ونور بالايمان قلبها وحياتها وابعد الشيطان عن سكنها...
الشاعر طاهر مختار عتيت
شاعر العصر...تحيا مصر
طنطا...كفر الزيات..اكوه الحصه
القصيده دي مشكله اجتماعيه واقعيه
ليس لها علاقة بيجميع الأمهات...فيه وفيه