جوال
جوّال وِضاعْ منّي الزمانْ
جوالْ وِتاه عنّي المكانْ
جوال ونا من غيرْ هَواكْ
من غير لُقاك عيشتي هلاكْ.
ايامْ زمان عشتِ فْ أمانْ
حتى بْهواكْ سحرْتِني
بسِّ الْحقيقهْ لمّا حانْ
معادْ لُقاكْ هجرْتِني.
في الليلْ وحيدْ في الكونْ غريب
سهرانْ شريدْ من غيرْ حبيبْ
ليه يا زمانْ ضاع ِالوفا؟
ليه يا زمانْ طالِ الجفا
في البُعدِ زادْ دمعي وِسالْ
والصَدِّ خلَّى السهدِ طالْ
ليه يا زمانْ دربي عذابْ؟
ليه يا زمانْ حُبّي سرابْ؟
بتِّ الليالي للسّحرْ
منْ غيرْ نُجوم من غير قمرْ
ليه يا زمانْ خانِ الحبيبْ؟
ليه يا زمانْ مليشْ نصيبْ؟
منْ غيرْ صديقْ طالعْ جبالْ
حتى الطريقْ ضاعْ في الرمالْ
ليه يا زمانْ حُبّه دلالْ؟
ليه يا زمانْ وَصْله مُحالْ؟
د. أسامه مصاروه