زمن الرخيص اشتري قلوبنا بالكيلو
ولما عرفنا صعبنا علي محبينة
روح يااصيل والنبي رجع قلوبنا
من ايدة
واشتري لنا قلوب جديدة تتحمل
اذية محبينة
واللي عاشت وربت وكبرت
راح كلة بلاش وارمي ياابني
اللي سهرت وربت وشقيت
وحبقت ودبقت والقرش عل
القرش اترص وشيلي ياست
منابك للواد وسيبك يااما
بنتك فين ياحجة جاية
ياابني كمان شوية مين
جابك هنا ياحجة ابني
ياابني نكتب اسمك اية ياامي
اكتب ياابني اللي ربت ومطمرشي
واللي شقيت و مبنشي استني
واكتب كمان ياابني انا لية عيالي
حجزولي من بدري مكاني وعشموني
بالراحة خرمت انا وداني استني
ياابني اكتب وقيد عندك ابوهم
قبل مايموت وصاهم عليا
قلهم امكم حطوها علي الراس
اوعوا في يوم منكم خاطرها ينداس
ولا بقيت ام ولا بقيت علي الراس
بقت قمتي اقل من حزاء يتداس
سامحني ياابني بتقول أسمي اية
اكتب ياابني ام تعبت وربت وعلمت
وكان جزائها تترمي في دار مسنيين
وابكي ياعيني حتي دار المسنيين
لافيها لاطب ولادوا وكل اللي
كان متشال عل الراس بقي
مركوب باوحش مداس
وابكي ياعيني علي ولاد الاصول
بيتعمل فيهم كأنهم مش ولاد ناس
وعجبي علي كل أم هانت عليها
نفسها سلام لكل ام مش لاقية
حد يعوضها ماكان
وكان ياما كان
مطمرشي ...كلمات نادية ابراهيم ...تيتا نونا