قررت قرار مفيهوش رجوع
راح انسي الالم وامسح الدموع
وارفع رايتي مفيش ذل ولا خضوع
قررت انى ابعد ع الاحزان
قلبى المكسور محتاج لأمان
محتاج لحياة مفيهاش حرمان
محتاج لأمير يجرى على حصان
ويحرر قلبى من قبضة سجان
قلبك متعود يبقى بعيد
متكلبش باساور من حديد
يمكن اتولد جوايا حب جديد
وانا قلبى فى الحب زى الوليد
محتاج يتعلم يفرح يوم العيد
وكفاية سنين عاش فيها وحيد
القلب نبات محتاج لحياه
وحياتى فى انك تبقى معاه
وفى فرحه وجرحه تكون وياه
انا ذقت فى حبك معنى الآآآآه
وانا حبى فى قلبى اكيد حساه
امتى هينسي قلبى الآآآه
الحب حقيقه بس في احلام
بنشوفها صدفة لما ننام
مش بس قصيدة ولا اي كلام
دا حنين مفيهوش عتاب ولا اى ملام
زى العصفور من بدرى قام
واتغرب سافر ايام وايام
قلب العصفور محتاج للحب
والحب فى زماننا اصبح صعب
مش زى البرد دواه فى الطب
ده وجع سموه : داء بالقلب
انا اصدق قلبى واكذب مين
القلب خلاص مليان بأنين
والصبر صبرته معاه لسنين
مش عارفة انا قلبى واخدنى لفين
وكأن ايديه للروح ماسكين
وهيعمل ايه قلبى المسكين
هايم بحنينه في دنيا العاشقين
قلبك متغرب والا معايا
حبنا ده قصه ولا حكايه
امتى هاحسك وتكون جوايا
والاقى لوجع القلب نهايه
الحب لأى حياة دا بدايه
وانا خايفة اكون في الحب
يدوب سطر فى روايه
مجرد خواطر
بقلمي ساميه ابراهيم