هل علي القمر
زى القمر هليتى فى
حياتى وقلبى عشقك
وزاد لهيب الشوق
بس ياقمر ليه حزين
وملامحك فيها الاسى
وباين عليها الضيق
باين عليك الدنيا
ظلمتك وقست عليك
واتحملت فوق ماتطيق
هات همى على همك
نقسمه وزيد نصيبى
أنا أقدر اطيق
اصل الحكايه اننا فى
الهموم شرق ومتعلقه
فى رقابنا طوق
خدنى معاك صاحب
اعيش جنبك وفى
واكون فى دربك رفيق
وبكرة الظروف هتتعدل
وترجع تنور وتدور تلف
وتفرح وتروق
وبكرة ياقمر تفرح
وتتبسم واشوفك
فى العلالى منور فوق
وأسهر معاك ونفتكر كل
ماجرى وحصل
ونطفى نيران الشوق
الشاعر/عبد المنعم حمدى رضوان