البنت عايزه الولد
لكنه ساب البلد
سافر لشبكه ومهر
وحاجات كتيره العدد
الشاب راح اشتغل
وفي الحياه انشغل
كام باب في وشه اتقفل
ومن الليالي اتجلد
البنت جالها عريس
جاهز وعال العال
وحبيبها لسه بعيد
ومبهدله الترحال
الصبر منها انتهي
وافقت عشان اهلها
سنتين ورجع الولد
لقاها ام عيال
زعلان علي سنتين شقي
وساعتها شاف دنيته
قد ايه بقت ضيقه
شاف غيرها ف ارتاحلها
وطلبها كمان من اهلها
ومجاش في باله انها
تكون وافقت عشان اهلها
ماهي برضو حبيت ولد
سافر وساب البلد
سافر لشبكه ومهر
وحاجات كتيره العدد , ٠٠٠٠٠٠