ونتمني لو يرجع ونشوفه
من تاني التراب ياما غطي
وجوه وحشتنا كتير ولو فينا
روح
كنا مافارقناهم
هزموا فينا الروح
اللي كانت بتدي لينا الروح
قعدنا جنبهم قعده طويله
ولو باايدينا ماكنا سبناهم
عشقنا فيهم مخارج كلماتهم
كنا بنفهمهم من كلامهم من
نفسهم من الهوا اللي كان
بيعدي من روحهم حبيبي
جاي عليا طيفك بقالي يومين
مش سايبني انت اصلك حاسسني
مهما بداري انت ميت وبرضك
بيه داري
كنت لما اقولك بالمشاوره بالمحاوره
حاجه تعباني تطبطب علي صدرك
وتقولي معلشي فكره منك كلمه
عتاب لما كنت اتاخر عليك
ولو جيتك وشوفتني وحشتك
لي كانت بتبان عليك كنت تهلل
من الفرحه وانت بتسلم
كان الكل كده بيطل
ويقولوا اخوكي كنتي وحشاه
ومن دموعي كنت فهماه
تترسم ملامح من ملامحي
كنت بخبي حزني وبداري
لكن دايما دموعي كانت فضحاني
حبيبي سبقني علي الجنه
وانا كتبت رثاء لروحي
وفيه اوصي رضوانك ياربي
لما يوافيني ميعادي اسكني
جنبه وتتلاقي روحي بروحه
ياناس اخويا كان جميل القلب
وكان في اخلاقه بهاء
الي روحك اخي الذكيه
روح وريحان ورب
راضي غير غضبان
رثاء من قلبي لاخي اللي بقينا نقول عليه المرحوم
في الجنه يارب
كلماتي استغاثه لروحي بقلم ناديه ابراهيم