مرمية ف زاوية من البدروم
فإياك بنت تقوللي هرتب
كراكيب قلبك لو كات بالكوم
أنا ياما شبعت بنات وجعت
شك .. خيانة
قفلت خزنة وصلها
فتحت بعد الخانة !
الخان بصمات خطواتنا عليه
دايبة و سايبة الحب الباقي على رماله
الخان خان خطواتنا بنفسه
فمنحنا جراحنا ف بعد بيفضل على حاله
فإزاي بتلومني إني ما أحبش ؟
بعد أما شربت كاسات البعد السك سهر
و ضياع كل ممكن ما أرجعشي من أنفاقه
مين فاقه ف حب بيتقرب
قبل لما بيبعد فيصوب
خنجر ف القلب .. يسمى فراق ؟
كل الـ عشاق ما فاقوش .. كملوا
لما أستبدلوا حبهم اللي يغطي
فغطى بوداع مشتاق !
ما خدوش بالهم
ف الحب ما بينهم من علة
و إن الشجرة اللي تضلل يوم
لازم تتخلى عن الضلة !
كان بينهم وصل بيتفصل معطف لايق
و قميص على غفلة بيتفصل ع القد غياب
لبسوه .. ماعملوش للبعد حساب
و إن هواهم .. كان أصله سراب !
باين على بعد لعينهم نور مش متداري
لكن كان بينهم شيء مش موجود إجباري
#كراكيب
#elpop