(تايه 🎶🎶🎶) قصيدة بقلم الشاعر/صموئيل فايق

1. تايه/ صموئيل فايق

تايه في الدنيا
والشوارع زحام
لا أملك شئ
غير حبه ألام
أشيل رجلي من علي الأرض
أحطها فوق روخام
ماشي وحدي 
مشتاق علي الكلام
مش لاقي حد يعرفني 
أو حتي يقولي سلام
غريب في دنيا
مفيهاش مكان للأحلام
حياتي كلها واقع
وعايش علي هوا الأيام
منين مترسي مركبي
أقولها كده تمام
مخافش من الغرق 
لأني في بحر الوحده عوام
وإللي يشوفوني يقول فرحان
وأنا من كتر الحزن معرفش أنام
أعدي ليِلي صاحي
أحكي انا والنجوم أصعب كلام
إحنا أصحاب طول عمري
وعمر مايكون بينا ملام
ولا في يوم هيكون في فراق
دايمآ شادين بعض لقدام
وأرفع  للبشر 
تعظيم سلام
عايش في الوحده بأمان