شايفك مطمن لبكره
بكره ياواد ماتعرفوش
ناس كتير ماعندها فكره
ييجي بكره يارب حوش
يمكن بكره ييجي بغدره
والنهاردة متلحقوش
ياما ناس كان عندها قدره
والدولات مايتعدوش
وفلوس سايله كمان مصريه
آمنوا لبكره وماسلموش
حاولوا تاني بأي مغامره
فاتهم بكره وبدل الوشوش
كان ماشي ومعاه الصحبه
دور على واحد منهم ماليقهوش
القلوب يابني قلابه
حب اليوم بكره مغشوش
اليوم فيلا بكره خرابه
واللي يخدع ماتلوموش
احنا شبعنا من الملامه
طلعوا ناس مابيحسوش
بكره بييجي مايدي اشارة
حلم ياريت ماتفسرهوش
بطارية مافيها حجاره
مهما حاولت ماينوروش
عيش يومك وبكل رجوله
بكرة ييجي بخداع منقوش
اللي عايش والخير قدامه
يحافظ عليه مايضيعوش
(((أسامه جديانه)))